Vayu

De Vayu (Sanskrit: वायु, Vāyu m.) oder Vata (Sanskrit: वात, Vāta m.) isch de Windgott im Hinduismus und de Welthüeter (lokapāla) vom Nordweste. De Vayu isch de Biglaiter vom Donnergott Indra und wie de a de Mentsche fründlich gsinnt und bringt Woolstand. Er isch us de Brust vom Purusha entsprunge und isch selber de Vatter vom Affegott Hanuman. Er isch hellhüttig und hebt i de Händ Faane. Siis Riittier (vāhana) isch d Antilope.